ଏବେ ଜେଲ୍ରେ ହିଁ ରହିବେ ମନୀଷ ସିସୋଦିଆ
ଦିଲ୍ଲୀ ମଦ ଦୁର୍ନୀତିରେ ଇଡି ଦ୍ୱାରା ପଞ୍ଜିକୃତ ହୋଇଥିବା ମନି ଲଣ୍ଡରିଂ ମାମଲାରେ ରାଉସ୍ ଆଭେନ୍ୟୁର ସ୍ୱତନ୍ତ୍ର କୋର୍ଟ ମନୀଷ ସିସୋଦିଆଙ୍କ ନ୍ୟାୟିକ ହେପାଜତକୁ ପୁଣି ଥରେ ବୃଦ୍ଧି କରିଛନ୍ତି , ଯାହାପରେ ଏବେ ତାଙ୍କୁ ତିହାର ଜେଲରେ ହିଁ ରହିବାକୁ ପଡ଼ିବ। କୋର୍ଟ ତାଙ୍କ ହେପାଜତକୁ ଏପ୍ରିଲ ୧୭ ପର୍ଯ୍ୟନ୍ତ ବୃଦ୍ଧି କରିଛନ୍ତି।
କହି ରଖୁଛୁ ଯେ ଏହା ପୂର୍ବରୁ ଦିଲ୍ଲୀ କୋର୍ଟ ମଧ୍ୟ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ଦ୍ୱାରା ଯାଞ୍ଚ କରାଯାଉଥିବା ଅବକାରୀ ନୀତି ମାମଲାରେ ଦିଲ୍ଲୀର ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ଜାମିନ ଆବେଦନକୁ ପ୍ରତ୍ୟାଖ୍ୟାନ କରିଥିଲେ। ସୂଚନାଥାଉ କି, ଅବକାରୀ ନୀତି ସହ ଜଡିତ ଦୁର୍ନୀତି ମାମଲାରେ ସିବିଆଇ ଫେବୃଆରୀ ୨୬ରେ ଦୀର୍ଘ ୮ ଘଣ୍ଟାର ପଚରାଉଚରା ପରେ ସିସୋଦିଆଙ୍କୁ ଗିରଫ କରିଥିଲା। କୋର୍ଟ ତାଙ୍କୁ ମାର୍ଚ୍ଚ ୬ରେ ନ୍ୟାୟିକ ହେପାଜତରେ ପଠାଇଥିଲେ। ଇଡିର ମନି ଲଣ୍ଡରିଂ ମାମଲାରେ ବି ସେ ନ୍ୟାୟିକ ହେପାଜତରେ ଅଛନ୍ତି।
